Qyrǵyzstan Qazaqstanǵa sý berý kólemin ulǵaıtady

<p>ASTANA. KAZINFORM &ndash; Sý resýrstary jáne ırrıgatsııa mınıstrligi transshekaralyq ózenderdiń sýyn paıdalaný máselesi qalaı sheshilip jatqanyn túsindirdi.</p>

«Respýblıkanyń egis alqaptarynyń negizgi bóligi ońtústik óńirde ornalasqandyqtan, mınıstrlik transshekaralyq ózenderdiń sýyn paıdalaný máselesinde kórshi eldermen mańyzdy kelisimderge qol jetkizdi. Máselen, elimizge bıylǵy sýarý kezeńinde sý sharýashylyǵy jaǵdaıy qolaıly bolsa Syrdarııa ózeni arqyly 3,9 mlrd tekshe metr, Ózbekstannan «Dostyq» memleketaralyq kanaly arqyly 922 mln tekshe metr, Qyrǵyzstannan Shý jáne Talas ózenderi arqyly 560 mln tekshe metrden astam sý kelýi tıis», - dedi mınıstrliktiń resmı ókili Móldir Ábdýalıeva Ortalyq kommýnıkatsııalar qyzmetinde.

Búgingi tańda Qyrǵyzstan sý resýrstary mınıstrliginiń basshylyǵymen Shý jáne Talas ózenderi boıynsha sý berý kólemin ulǵaıtý týraly ýaǵdalastyqqa qol jetkizildi.

Qazirgi ýaqytta eki eldiń sý vedomstvolary Qazaqstanǵa sý berý kestesin ulǵaıtý úshin jumys kestesine túzetý engizý jumysyn júrgizip jatyr.

Aıta keteıik, bıyl Qazaqstannyń sý qoımalaryna 75 mlrd tekshe metr sý jınaldy. Jınalǵan sýdyń 12 mlrd astamy – tasqyn sýy. Sýarý kezeńi bastalǵaly eldegi 20 myńnan astam sharýa sýarmaly sýmen turaqty qamtamasyz etilgen.