Qyrǵyzstan qaǵaz eksportyna ýaqytsha tyıym saldy
Qujatqa sáıkes, qaıta óńdelgen qaǵaz ben kartondy Eýrazııalyq ekonomıkalyq odaqtyń kedendik aýmaǵynan tys jerlerge áketýge (eksport) alty aı merzimge ýaqytsha tyıym salynady.
Qyrǵyzstannyń Ekonomıka jáne saýda mınıstrligine Dúnıejúzilik saýda uıymy men Eýrazııalyq ekonomıkalyq komıssııany belgilengen tártippen ýaqytsha tyıymnyń engizilgeni týraly habardar etý tapsyryldy.
Eldiń Syrtqy ister mınıstrligine osy qaýly kúshine engen kúnnen bastap úsh kúnnen keshiktirmeı Táýelsiz Memleketter Dostastyǵynyń Atqarý komıtetin ýaqytsha tyıymnyń engizilgeni týraly belgilengen tártippen habardar etý tapsyryldy.
Qyrǵyz Respýblıkasy Memlekettik keden qyzmeti men Ulttyq qaýipsizdik memlekettik komıtetiniń Shekara qyzmetine taýarlardy zańsyz áketýdiń jolyn kesýge baǵyttalǵan qajetti sharalar qabyldaý tapsyryldy.