Qyrǵyzstan halqynyń sany shamamen 7,3 mln adamdy qurady

<p>ASTANA. KAZINFORM &ndash; Qyrǵyz Respýblıkasynyń turaqty turǵyndarynyń sany 2024 jyldyń qańtar-qyrkúıek aılarynda 91,7 myń adamǵa nemese 1,3 paıyzǵa ósip, 2024 jyldyń 1 qazanyndaǵy jaǵdaı boıynsha 7 mln 254 myń adamdy qurady, delingen Ulttyq statıstıkalyq komıtettiń materıalynda. Bul týraly Qyrǵyzstannyń&nbsp;<a href="https://kabar.kg/news/chislennost-naseleniia-kyrgyzstana-sostavila-pochti-7-3-mln-chelovek/" target="_blank" rel="noopener"> Kabar</a> aqparat agenttigi habarlaıdy.</p>

Osylaısha, Halyqtyń jáne azamattyq hal aktilerin tirkeý departamentiniń málimetinshe, 2024 jylǵy qańtar-qyrkúıek aılarynda AHAT organdarynda 107,9 myń jańa týǵan náreste nemese 1000 turǵynǵa shaqqanda 20,0 (2023 jylǵy qańtar-qyrkúıekte 20,5) jáne 24,2 myń qaıtys bolǵan adam nemese 1000 turǵynǵa shaqqanda 4,5 (2023 jylǵy qańtar-qyrkúıekte 4,4) adam tirkelgen. Nátıjesinde halyqtyń tabıǵı ósimi 83,7 myń adamdy nemese 1000 turǵynǵa 15,5 (2023 jylǵy qańtar-qyrkúıekte 16,1) qurady.

2024 jyldyń qańtar-qyrkúıek aılarynda halyq sanynyń tabıǵı ósiminiń eń joǵary deńgeıi Batken, Osh jáne Jalal-Abad oblystarynda, eń tómen kórsetkishi Bishkek pen Ystyqkól oblysynda tirkelgen.

Osyǵan deıin Qyrǵyzstan túrki tildes halyqtar kitaphanasyn qurýdy usynǵany týraly jazdyq.