Qyrǵyzstan Gazadaǵy genotsıdti toqtatýǵa shaqyrdy

<p>BІShKEK.KAZINFORM &mdash; Qyrǵyzstan AQSh pen halyqaralyq uıymdardy Gazadaǵy genotsıdti toqtatýǵa úndedi. Qyrǵyzstan mınıstrler kabıneti tóraǵasynyń orynbasary Edıl Baısalov ІІM qurylǵanyna 80 jyl tolýyna baılanysty ashylǵan foto kórmede aıtty , dep habarlaıdy <a href="https://russian.news.cn/20240318/aa66a080a2c149df92158dbe4b56f4b5/c.html" target="_blank" rel="noopener">Sınhýa.</a></p>

Onyń aıtýynsha, álem elderi alty aı boıy Gaza halqynyń josyqsyz qyrylyp jatqanyn tamashalap keledi.

«13 myń bala óldi. BUU - nyń 165 qyzmetkeri qaza tapty. 95 jýrnalıst ajal qushty. Kópshiligi maqsatta túrde óltirildi. Munyń bári qujatqa jazyldy. 2024 jyly tikeleı efır arqyly genotsıdti kórip kelemiz. Efırden biz eki mln palestınalyqtardyń ashtyqtan qınalǵanyn ári álemniń eshbir áreketsizdigin tamashalap otyrmyz» — dedi E. Baısalov. 

Ol Qyrǵyzstan terrorızmdi aıyptaıtynyna erekshe toqtaldy. Qazan aıynda Izraıldyń beıbit turǵyndarǵa jasaǵan shabýylyn da aıyptaǵanyn tilge tıek etti.  

«Izraıl halqynyń ózin qorǵaýdaǵy quqyǵyn moıyndaımyz. Alaıda evreı úkimeti  halyqaralyq nemese BUU quqyǵynan ózin joǵary qoıýǵa haqysy joq. Qyrǵyzstan halyqaralyq uıymdardy onyń ishinde Izraıldiń bas demeýshisi AQSh-ty bul essizdik pen genotsıdti toqtatýǵa úndeıdi» — dedi qyrǵyz sheneýnigi.