Qyrǵyzstan azamattaryna Reseıge kirý kezinde kúsheıtilgen baqylaýǵa daıyndalýdy usyndy

<p>BІShKEK. KAZINFORM &mdash; Qyrǵyz Respýblıkasynyń Syrtqy ister mınıstrligi saparyn josparlap otyrǵan azamattarǵa Reseı Federatsııasyna kelý erejeleri boıynsha usynystar berdi, dep habarlaıdy Kazinform menshikti tilshisi.</p>

Qyrǵyzstandyqtarǵa mynalar qajet ekendigi eskertildi: 

* RF memlekettik shekarasyn kesip ótý quqyǵyn beretin jeke basyn kýálandyratyn qujattardy aldyn ala daıyndaý.
* Reseıge kirýdiń zańdylyǵyn anyqtaýǵa baılanysty jáne belgili bir ýaqytty talap etetin qosymsha tekserý sharalaryna daıyn bolý.
* tekserý júrgizý kezinde sabyrlyq tanytyp, reseılik shekara jáne basqa da quzyrly organdardyń talaptaryn oryndaý.

Shekara organdary teksergennen keıin Reseı Federatsııasyna kirýden bas tartý týraly sheshim qabyldanýy múmkin. Bul jaǵdaıda azamatqa mundaı sheshimniń negizin kórsetetin tıisti qujat beriledi. Halyqaralyq sharttarǵa sáıkes, Reseı Federatsııasyna kirýge tyıym salynǵan tulǵalar áýe kompanııanyń jaýapkershiligine tapsyrylyp, kelesi reıspen kelgen elge ortasha eseppen 1-3 kún ishinde qaıtarylady. Osy kezeńde áýe kompanııasy olardy sýmen, tamaqpen qamtamasyz etedi.

Ádetten tys jaǵdaılarda Qyrǵyzstan azamattary RF Syrtqy ister mınıstrliginiń konsýldyq mekemelerine jáne Qyrǵyz Respýblıkasynyń Reseı Federatsııasyndaǵy ókildigine júgine alady. Qajet bolsa, aýdarmashy shaqyrta alady. Reseı Federatsııasyna kirýge tyıym salýdy Reseıdiń ІІM jáne basqa ýákiletti organdary belgileı alady.

Atap ótilgendeı, Reseı Federatsııasynyń memlekettik shekarasy arqyly ótkizý pýnktterinde engizilgen kúsheıtilgen baqylaý rejımi barlyq sheteldik azamattarǵa qatysty jáne «Krokýs Sıtı Holda» bolǵan lańkestik áreketinen keıin elde qaýipsizdik pen terrorımge qarsy qorǵanysty qamtamasyz etýge baǵyttalǵan.

Eske salsaq, Qyrǵyzstanda áýe kompanııalary paıdalanýshylaryna sertıfıkat berýge moratorıı engizildi.