Qyrǵyz Respýblıkasynyń Mınıstrler kabıneti Bishkekte bolǵan oqıǵaǵa baılanysty málimdeme jasady

<p>ASTANA. KAZINFORM &ndash; Qyrǵyz Respýblıkasynyń Mınıstrler kabıneti Bishkektegi túngi oqıǵaǵa baılanysty málimdeme jasap, ondaǵy etnıkalyq alaýyzdyq pen tártipsizdik týdyrý áreketterin qatań aıyptady.&nbsp;</p>

Málimdemede Mınıstrler kabıneti áleýmettik jelilerde shyndyqqa janaspaıtyn aqparattyń taralýyna baılanysty pikir bildirip, sondaı-aq halyqaralyq baspasózdiń sheteldik stýdentterge qatysty kisi óltirý men zorlyq-zombylyq týraly jalǵan habarlamalaryn joqqa shyǵarady.

Quqyq qorǵaý organdary Bishkekte bolǵan quqyq buzýshylyqtardyń barlyq mán-jaıyn jan-jaqty tekserip jatqanyn atap ótti. Kináliler anyqtalyp, zańǵa sáıkes jaýapqa tartylady. Sonymen qatar keıingi birneshe aıda bılik zańsyz kóshi-qondy aýyzdyqtaý jáne qalaýsyz adamdardy elden shyǵarý úshin sheshýshi sharalar qabyldap jatqanyn habarlady.

- Sheteldik stýdentterge tózbeýshilikti týdyrýǵa baǵyttalǵan kez kelgen áreketke jol berilmeıdi jáne bul bizdiń halqymyzdyń qonaqjaılyq rýhyna sáıkes kelmeıdi. Qyrǵyz Respýblıkasynyń bıligi qaýipsizdikti qamtamasyz etý, beıbitshilik pen turaqtylyqty saqtaý úshin barlyq qajetti sharalardy qabyldady. Quqyq qorǵaý kúshteri qoǵamdyq tártipti buzý áreketteriniń jolyn kesetin bolady, - delingen úkimet habarlamasynda.

Buǵan deıin Bishkekte sheteldikterdiń qatysýymen jappaı tóbeles bolǵany habarlanǵan bolatyn. 

Keıin Qyrǵyz Respýblıkasy Ulttyq qaýipsizdik memlekettik komıtetiniń tóraǵasy Kamchybek Tashıev Bishkektegi túngi oqıǵaǵa qatysty pikir bildirdi. Oqıǵa saldarynan 29 adam medıtsınalyq kómekke júginse, onyń 15-i el astanasyndaǵy emdeý mekemelerine jetkizildi.