Qyrǵyz-qytaı shekarasynda túnde eki ret jer silkindi

<p>ASTANA. KAZINFORM &ndash; Qyrǵyz-qytaı shekarasynda tún ishinde eki jer silkinisi tirkeldi, dep habarlaıdy <a href="https://kabar.kg/news/na-kyrgyzsko-kitaiskoi-granitce-za-noch-zafiksirovany-dva-zemletriaseniia/" target="_blank" rel="noopener">Kabar</a> aqparat agenttigi.&nbsp;</p>

Qyrǵyz Respýblıkasy Ulttyq ǵylym akademııasy Seısmologııa ınstıtýtynyń málimetinshe, birinshi jer silkinisi búgin túngi saǵat 03:14-te boldy, epıtsentrdegi qarqyndylyq 4,5 baldy qurady.

Jer silkinisiniń oshaǵy Qytaı aýmaǵynda, Bedel aýylynan ońtústik-shyǵysqa qaraı 35 shaqyrym, Yshtyq aýylynan ońtústik-shyǵysqa qaraı 46 shaqyrym, Qarakól qalasynan ońtústik-shyǵysqa qaraı 134 shaqyrym jerde ornalasqan. Qyrǵyz Respýblıkasynyń eldi mekenderinde jer silkinisiniń kúshi: Bedel aýyldarynda 3 ball, Yshtyq aýyldarynda 2,5 ball boldy.

Magnıtýdasy 3,5 ball ekinshi jer silkinisi saǵat 04:23-te tirkeldi.

Jer silkinisiniń oshaǵy Qyrǵyzstan men Qytaı shekarasynda, Nura aýylynan ońtústik-batysqa qaraı 7 shaqyrym, Osh qalasynan ońtústik-shyǵysqa qaraı 140 shaqyrym jerde ornalasqan.

Qyrǵyz Respýblıkasynyń eldi mekenderinde jer silkinisiniń qarqyndylyǵy: Nura aýylynda 3 ball, Ikızıak, Irkeshtam aýyldarynda – 2 ball.