Qyrǵyz boksshysy eline tuńǵysh tarıhı Olımpıada júldesin syılady

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda qyrǵyzstandyq boksshy Munarbek Seıitbekuly Parıjdegi Olımpıada oıyndarynyń jartylaı fınalyna shyqty.</p>

Bul Qyrǵyzstan tarıhynda tuńǵysh ret oryn alyp otyrǵan tarıhı sát boldy. 57 keli salmaq dárejesinde ótken shırek fınaldyq kezdesýde qyrǵyz boksshy 2021 jylǵy álem chempıony jáne 2023 jylǵy Panamerıkan oıyndarynyń chempıony Djamal Harvımen judyryqtasyp, qarsylasynan aılasyn asyrdy.

Osylaısha, Munarbek Seıitbekuly Olımpıadanyń jartylaı fınalyna shyǵyp otyr. Onyń qorjynynda qazir kem degende qola medal bar. Osyǵan deıin qyrǵyz boksshylary Olımpıada tarıhynda júldeli oryndardan kórinip kórmegen.

Esterińizge sala keteıik, atalǵan salmaq dárejesinde qazaqstandyq Mahmud Sabyrhan synǵa túsken bolatyn. Ol birinshi aınalymda ıspanııalyq Hose Kıleske 4:1 esebimen ese jiberip qoıǵan bolatyn.

Aıta ketsek, qazir Qazaqstan qorjynynda 1 altyn, 1 kúmis, 2 qola medal bar. Jalpy medaldar kestesinde 29-orynda tur.