Kıprde maımyl sheshegin juqtyrýdyń alǵashqy jaǵdaıy anyqtaldy

NUR-SULTAN. QazAqparat – Kıprdiń densaýlyq saqtaý mınıstrligi seısenbide Jerorta teńiziniń shyǵysyndaǵy aral elinde maımyl sheshegi aýrýyn juqtyrýdyń alǵashqy faktisi rastalǵanyn málim etti, dep habarlaıdy QazAqparat ABC News basylymyna silteme jasap.

Aýrý 40 jastaǵy er adamnan Kıpr astanasyndaǵy jalpy aýrýhanada zerthanalyq tekserýden ótkennen keıin anyqtaldy. Naýqasta maımyl sheshegi aýrýynyń klınıkalyq belgileri baıqalǵan. Er adamnyń shetelge jıi shyqqany belgili boldy. Naýqas maımyl sheshegin emdeýge arnalǵan Nıkosııa jalpy profıldi aýrýhanasynyń arnaıy jabdyqtalǵan bólmesine jatqyzyldy.

Dúnıejúzilik densaýlyq saqtaý uıymynyń málimetinshe, 27 shildedegi jaǵdaı boıynsha, dúnıejúziniń 78 elinde 18 myńnan astam adam maımyl sheshegin juqtyrǵan jáne bes adam qaıtys bolǵan. Aýrýdyń 70 paıyzdan astamy Eýropada, 25 paıyzy Amerıkada anyqtalǵan.

Foto: static.scientificamerican.com