Kıprde koronavırýstan qalǵan vaktsınalar mysyqtarǵa egiledi

ASTANA. QazAqparat – Kıpr úkimeti eldegi mysyqtar koronavırýstan qalǵan vaktsınalarmen egiletinin habarlady. Qańtardan bastap aralda myńdaǵan mysyq koronavırýs mýtatsııasynan ólgen, dep habarlaıdy QazAqparat Azertag.az-ǵa silteme jasap.

Eldiń Aýyl sharýashylyǵy mınıstrligi adamdarǵa arnalǵan vaktsınalardy mysyqtarǵa qoldanýdy usyndy. Tabletka túrindegi vaktsınalardy mysyqtarǵa veterınarlar salatyn bolady.

Mysyqtyń juqpaly perıtonıti (FIP) – Kıprdegi mysyq popýlıatsııasyna orasan zııan keltirgen juqpaly vırýstyq indet. Bul adamǵa berilmeıtin koronavırýstyń bir túri.

Birneshe aı boıy Kıprdegi janýar álemin qorǵaýshylar Úkimetti janýarlar pandemııasyna qarsy sharalar qabyldaýǵa shaqyrdy. Resmı statıstıkaǵa sáıkes, araldyń grek bóliginiń ońtústiginde osy ýaqytqa deıin 107 mysyq vırýs juqtyrǵan. Alaıda tabıǵatty qorǵaýshylardyń pikirinshe, bul kórsetkish óte tómen. Veterınarlar Kıpr mysyqtarynyń úshten biri osy vırýstan qyrylyp qaldy dep esepteıdi.

Kıprde mıllıonǵa jýyq úısiz mysyq bar.