Kıpr NATO-ǵa kirýge nıetti

<p>ASTANA. KAZINFORM &ndash; Kıpr Respýblıkasynyń prezıdenti Nıkos Hrıstodýlıdes eliniń Vashıngtonmen Soltústik Atlantıkalyq alıansqa kirý joldary týraly kelissózder júrgizip jatqanyn aıtty. Bul týraly&nbsp;<a href="https://www.dw.com/ru/kipr-nameren-vstupit-v-nato/a-70913855" target="_blank" rel="noopener">DW</a> habarlady.</p>

Kıpr Respýblıkasynyń prezıdenti Nıkos Hrıstodýlıdes óz eliniń NATO-ǵa múshe bolý nıetin rastady. Beısenbi, 28 qarashada ol jýrnalısterge Nıkosııanyń Vashıngtonmen alıansqa qosylý joldary týraly kelissózder júrgizip jatqanyn aıtty.

Onyń aıtýynsha, Túrkııanyń qarsylyǵyna baılanysty Kıpr Respýblıkasynyń NATO-ǵa múshe memleket bola almaýy el armııasyn modernızatsııalaý úshin de, áskerı tehnıka alý úshin de kóptegen múmkindikterden aıyrady.

Nıkos Krıstodýlıdes Kıprdiń NATO men Amerıka Qurama Shtattary arqyly, sondaı-aq EO qorǵanys baǵdarlamalary arqyly jańa múmkindikter izdep jatqanyn anyq kórsetti. Hrıstodýlıdes Kıprdiń basty artyqshylyǵyn araldyń «erekshe geostrategııalyq mańyzy bar aımaqta» geografııalyq ornalasýyn atady.

Ol sondaı-aq, araldyń áskerı-teńiz jáne áýe bazalaryn modernızatsııalaý týraly sheshimder qabyldanǵanyn jáne Kıprdiń teńiz nysandaryna qatysty EO-men jáne áýe kúshterine qatysty AQSh-pen kelissózder júrgizip jatqanyn rastady.

– Bul týraly neǵurlym az aıtsaq, maqsatymyzǵa soǵurlym jaqyn bolamyz, – dep jaýap berdi prezıdent NATO-ǵa kirýge yqtımal ótinish berý ýaqyty týraly suraqqa.

Kıprdiń NATO-ǵa qabyldanýy mańyzdy pretsedent bolýy múmkin. Alıans erejesine sáıkes, aýmaqtyq máselesi sheshilmegen memleket oǵan kire almaıdy. Kıpr Respýblıkasy attas araldyń shamamen 60% baqylaıdy. Kıprdiń NATO-ǵa múshe bolýynyń keleshegi Kıpr janjalyn sheshýge jáne Túrkııamen qarym-qatynasty jaqsartýǵa tikeleı baılanysty.

Osyǵan deıin Kıpr Qazaqstanda elshilik ashýdy josparlap otyrǵany týraly jazdyq.