Kınotýyndylar monıtorınginiń biryńǵaı avtomattandyrylǵan júıesi qurylady

ASTANA. QazAqparat – Kınotýyndylar monıtorınginiń biryńǵaı avtomattandyrylǵan aqparattyq júıesi qurylady. Bul jaıynda elimizdiń Mádenı saıasatynyń tujyrymdamasyn tanystyrǵan Mádenıet jáne sport mınıstri Ashat Oralov málim etti, dep habarlaıdy QazAqparat tilshisi.

«Taǵy bir ózekti másele – qazaqstandyq fılmderdi Netflix sııaqty strımıngilik platformalar men onlaın-kınoteatrlarda ornalastyrý. Fılm túsirý men prokatty júıeleý úshin elimizde kınotýyndylar monıtorınginiń biryńǵaı avtomattandyrylǵan aqparattyq júıesin qurý boıynsha jumys júrgizilip keledi. Ol naqty kelýshiler, kassalyq túsim, statıstıkalyq derekter jáne basqa da aqparatty beretin bolady», - dep jazdy mınıstr Telegram-paraqshasynda.

Sondaı-aq A.Oralov qoldanystaǵy «Kınematografııa týraly» Zańǵa túzetýler engizý, onyń ishinde memlekettik qarjylaı qoldaý alǵan fılmderdi ilgeriletý jáne prokatqa shyǵarý, Mádenıet jáne sport mınıstrliginen fılm óndirýshisine aıryqsha quqyqtardy berý máselesi pysyqtalatynyn aıtady.

«Osy is-sharalardyń nátıjesinde 2030 jylǵa qaraı jalpy kınoprokattaǵy otandyq fılmderdiń úlesin 35 paıyzǵa, al qazaq tilindegi fılmderdiń úlesin 30 paıyzǵa deıin arttyrǵymyz keledi», - dedi Ashat Oralov.