Kınorejısser, stsenarıst Uljan Qoldaýova dúnıeden ozdy

ALMATY. QazAqparat – Tanymal kınorejısser, stsenarıst Uljan Qoldaýova 76 jasynda ómirden ótti, dep habarlaıdy QazAqparat tilshisi.

Qaraly habardy Sh. Aımanov atyndaǵy «Qazaqfılm» kınostýdııasynyń baspasóz qyzmeti rastady.

Uljan Qoldaýova 1946 jyly 1 tamyzda Qyzylorda oblysynyń Qazaly stantsııasynda dúnıege kelgen. KSRO Kınematografıster odaǵynyń múshesi. 1968 jyly «Qazaqfılm» kınostýdııasy janyndaǵy kınoakterler stýdııasyn, 1971 jyly M. Kırov atyndaǵy Qazaq memlekettik ýnıversıtetiniń jýrnalıstıka fakýltetin bitirgen.

Eńbek jolyn 1965 jyly «Qazaqfılm» kınostýdııasynda bastady. Rejısserdiń kómekshisinen dýblıaj fılmderdiń joǵary sanatty rejısseri men kórkem fılmderdiń qoıýshy rejısserine deıingi joldan ótti. 300-den astam fılmge dýblıaj jasady.