«Kimasar» shatqalynyń týrıstik oryndaryna kirý aqyly boldy

ALMATY. QazAqparat - «Kimasar» baqylap ótkizý pýnkty ashyldy. Ol Іle-Alataýy memlekettik ulttyq tabıǵı parki Medeý fılıaly Kishi-Almaty ormanshylyǵy «Kimasar» shatqalynda oranalasqan. Baqylap ótkizý beketinen ótý aqyly, dep habarlaıdy QazAqparat tilshisi.

QR Orman sharýashylyǵy jáne janýarlar dúnıesi komıtetiniń málimetinshe, beketten joǵary jol boıynda demalys oryndary, ıaǵnı ústelder, oryndyqtar ornatylǵan.

Baqylaý pýnktinen shamamen 1 shaqyrym jerde avtokólik turaǵy bar, odan ary jaıaý júrginshiler joly bastalady. Ol Іle-Alataýy memlekettik ulttyq tabıǵı parki Medeý fılıaly Kishi-Almaty ormanshylyǵy «Kimasar» shatqalynda oranalasqan. «Kimasar» arqyly Býtakovka shatqalyna ótýge bolady, sonymen qatar kishi Kimasar sarqyramasyna, Fýrmanov-Panorama, Shymbulaq, Býshata shyńdaryna kóterile alasyz.

«Osy jyldyń 27 qańtarynan bastap baqylap ótkizý beketinen ótý aqyly, quny 545 teńge. Onyń ishinde 345 teńge erekshe qorǵalatyn tabıǵı aýmaqty paıdalanǵany úshin salyq aýdarymy bolyp sanalady. 200 teńge mólsherinde soma ulttyq park aýmaǵyn sanıtarlyq tazartý jáne abattandyrý boıynsha qyzmet kórsetkeni úshin alynady»,- deligen Orman sharýashylyǵy jáne janýarlar dúnıesi komıteti taratqan habarlamada.

Atalǵan beketten ótý zeınetkerler men ardagerlerge tegin.