«Kım En A Patshaıym» Qysqy Olımpıada oıyndarynyń alaýyn jaqty
Búgingi kúnniń eń basty álemdik jańalyqtarynyń biri - HHIII Qysqy Olımpıada oıyndarynyń ashylý saltanaty káris halqynyń ulttyq naqyshynda umytylmas mánerde bolyp ótti. Qysqy Olımpıadanyń ashylý saltanatynda uıymdastyrýshylar tabıǵat pen adamzattyń úılesimin kórkem kórinis arqyly kórsete bildi. Aıta keterligi, bes qurlyqtaǵy halyqtyń ókilderi úshin salynǵan stadıonǵa 35 myń adam sııady. Stadıondaǵy sherýde álemniń 92 eliniń sportshylary kezek-kezekpen júrip ótti.
Budan keıin kelesi kezeń «Arıran» - Ýaqyt ózeni kórinisine berildi. Ortaǵa 77 jastaǵy tanymal ónerpazdarynyń biri Kım Nan Gıl ulttyq ándi oryndap, kórinis káris halqynyń tarıhynan syr shertti. Vırtýaldy ekrandaǵy teatrlandyrylǵan kóriniske bes baldyrǵan qatysyp, kórermenderdiń zor qoshemetine bólendi. Arnaıy rolık arqyly uıymdastyrýshylar káris halqynyń zamanaýı tehnologııalyq jetistikterin pash etti.
Sharanyń ashylý saltanatynda Halyqaralyq Olımpıada komıtetiniń prezıdenti Tomas Bah sportshylarǵa sáttilik tilep, Koreıa Respýblıkasynyń prezıdenti Mýn Chje In Phenchhan qalasyndaǵy HHIII qysqy Olımpıada oıyndaryn ashyq dep jarııalady.
Buda keıin Koreıanyń opera ánshisi Hvang Sý Mı Qysqy Olımpıada oıyndarynyń ánuranyn oryndady.
Al qysqy Olımpıada oıyndarynyń alaýyn jaǵý qurmeti mánerlep syrǵanaýdan Koreıanyń maqtanyshy Kım En A-ǵa buıyrdy.
Aıta ketsek, Kım En A 2010 jylǵy qysqy Olımpıada chempıony. 2014 jylǵy qysqy Olımpıada oıyndarynyń kúmis júldegeri, álemniń tórt dúrkin, Ońtústik Koreıanyń alty dúrkin chempıony. Óz Otanynda mánerlep syrǵanýshyny - «Kım En A Patshaıym» dep ataıdy.
Alaý jaǵylǵannan keıin qalasyndaǵy HHIII qysqy Olımpıada oıyndarynyń saltanatty ashylýy aıaqtalyp, ot shashý atyldy.
foto:www.pyeongchang2018.com, english.yonhapnews.co.kr