Qylmystyq top 700-den astam sheteldiktiń Qazaqstanda turýyna zańsyz ruqsat ápergen

<p>QARAǴANDY. KAZINFORM&nbsp;&mdash; Qaraǵandy oblysy prokýratýrasynyń bastamasymen Ulttyq qaýipsizdik komıtetiniń Qaraǵandy oblysy boıynsha departamentimen birlesip, qylmystyq toptyń qyzmeti toqtatyldy.&nbsp;</p>

Qylmystyq shemaǵa halyqqa qyzmet kórsetý ortalyǵynyń, medıtsınalyq mekeme qyzmetkerleri jáne «kómekshiler» dep atalatyndar kirgen.

Aqshalaı syıaqy úshin sheteldikterge ýaqytsha turýǵa 700-den astam ruqsat zańsyz berilgen.

Ýaqytsha turýǵa ruqsat alýǵa ótinish bergen kezde turǵyn úı ıesiniń jeke qatysýy men kelisimi talap etiledi, biraq sheteldikterdi tirkeý zań talaptaryn elemeı júrgizilgen.

Sonymen qatar, 2 elektrondy-tsıfrlyq qoltańba zańsyz shyǵarylyp, «eQonaq» aqparattyq júıesinde shetel azamattarynyń kelýin tirkeý týraly 30-dan astam habarlama berý úshin paıdalanylǵan.

Munyń bári elektrondy-tsıfrlyq qoltańba ıelerinen jasyryn jasalǵan.

Sheteldikterdi tirkeý boıynsha zańsyz shemalar el aýmaǵyna destrýktıvti tulǵalardyń kirýine múmkindik beredi.

Osy fakti boıynsha sotqa deıingi tergeý júrip jatyr.