Qylmystyq kodekste jańa bap: Veıp satqandarǵa qandaı jaza engizilmek

<p>ASTANA. KAZINFORM &ndash; Qazaqstanda veıpterdi satýǵa tolyq tyıym salý josparlanýda. Osyǵan baılanysty Qylmystyq kodekste 301-1 bap paıda bolady. Jaza túrlerin Májilis depýtattary usyndy.&nbsp;</p>

Satý jáne taratý

Temeki buıymdaryn, elektrondy veıpterdi, hosh ıistendirgishter men suıyqtyqtardy satqany jáne taratqany úshin olar úshin Qylmystyq kodekstiń 301-1 baptyń 1-bóligi boıynsha 200 AEK (738 400 teńge) kóleminde aıyppul ne bolmasa 200 saǵat qoǵamdyq jumystarǵa tartý túrindegi jaza kózdeledi nemese 50 táýlikke qamaýǵa alynady.

Ákelý jáne óndirý

301-1-baptyń 2-bóligine sáıkes veıpterdi ákelgeni jáne óndirgeni úshin 2000 AEK kóleminde aıyppul salýǵa (7 mln 384 myń teńge) ne bolmasa 600 saǵat qoǵamdyq jumystarǵa tartýǵa nemese múlikti tárkileýmen (nemese tárkileýsiz) 2 jylǵa deıingi merzimge bas bostandyǵyn shekteýge ne bas bostandyǵynan aıyrýǵa jazalanady. 

Atalǵan baptyń 3-bólim boıynsha qylmystyq toptyń birneshe ret zań buzýshylyq jasaǵany jáne asa iri mólsherde tabys tapqan jaǵdaıda 5000 AEK (18 mln 460 myń teńge) mólsherde aıyppul salý, ne 1200 saǵatqa qoǵamdyq jumystarǵa tartý nemese múlikti tárkileı otyryp 5 jylǵa deıin bas bostandyǵynan aıyrý kózdeledi. 

«Qylmystyq kodekske 301-1-baptyń engizilýin múddeli memlekettik organdar qoldady», - delingen QR Іshki ister mınıstrliginiń Kazinform agenttiginiń resmı saýalyna bergen jaýabynda.