Kılıan Mbappe resmı túrde «Real Madrıd» oıynshysy atandy

<p>ASTANA. KAZINFORM - Frantsııalyq fýtbolshy Kılıan Mbappe resmı túrde ıspanııalyq &laquo;Real Madrıd&raquo; komandasynyń oıynshysy boldy. Búgin &laquo;Santıago Bernabeý&raquo; stadıonynda fýtbolshyny saltanatty túrde tanystyrý rásimi ótti. Atalǵan sharany tamashalaýǵa 80 myńnan astam jankúıer múmkindik aldy.</p>

Buǵan deıin 25 jastaǵy oıynshy Frantsııanyń «Parı Sen-Jermen» klýbynda óner kórsetti. 2024 jyldyń mamyr aıynda ol komandadan ketetininin resmı túrde málimdedi.

Foto: Real Madrıd FK

Saltanatty shara kezinde Mbappe armanyndaǵy klýbtyń bir múshesi bolǵanyna qýanyshty ekenin jetkizdi. 

«Men baqyttymyn. Armanymnyń oryndalǵanyna qýanyshtymyn. Ómirimdi osy klýbqa arnaımyn. Hala Madrid!», - dedi Kılıan. 

Foto: Real Madrıd FK

Tanymal fýtbolshy úlken fýtboldaǵy alǵashqy qadamyn 2015 jyly Frantsııanyń «Monako» klýbynda bastady. 2017 jyldan beri «Parı Sen-Jermen» sapynda 256 gol soqty. Sońǵy maýsymda ol frantsııalyq komandada 48 oıynda 44 gol soǵyp, 10 nátıjeli pas berdi.

Foto: Real Madrıd FK

Ol «Real Madrıd» klýbyna erkin agent retinde aýysty. Jańa komandada 9 nómirmen óner kórsetetin Kılıan Mbappe klýbpen 2029 jylǵa deıin kelisimshartqa otyrdy. 

Frantsııalyq shabýylshy koroldik klýb sapynda jylyna 54 mln eýro tabys tabady. Fýtbolshynyń transferlik quny 180 mıllıon eýroǵa baǵalanyp otyr.