Kılıan Mbappe Madrıdtiń «Real» klýbyna aýysty

<p>ASTANA. KAZINFORM &ndash; Dúısenbide &laquo;Real Madrıd&raquo; frantsýz shabýylshysy Kılıan Mbappeni kelesi bes maýsymǵa satyp alǵanyn resmı túrde jarııalady, dep habarlaıdy <a href="https://ru.euronews.com/2024/06/03/mbappe-to-real-madrid" target="_blank" rel="noopener">Euronews.</a></p>

Alaıda fýtbolshynyń jańa klýbtaǵy tusaýkeseri jazda Germanııada ótetin Eýropa chempıonatynda Frantsııa quramasy sapynda óner kórsetkennen keıin ǵana ótedi.

Bul málimdeme Londondaǵy «Ýemblıde» ótken fınalda «Real» dortmýndtyq «Borýssııany» 2:0 esebimen jeńip, 15-shi Eýropa kýbogyn jeńip alǵan soń eki kúnnen keıin jasaldy.

25 jastaǵy Mbappe «Parıj-Sen-Jermennen» ketetinin resmı túrde mamyr aıynda jarııalady, al klýbqa bul týraly aqpan aıynda habarlaǵan. 

Forvard Parıj komandasyna 2017 jyly 180 mln eýroǵa aýysyp, 256 gol soǵyp, PSJ rekordshysy atandy.