Kılıan Mbappe Frantsııada jyldyń úzdik sportshysy atandy

ASTANA. QazAqparat – «PSJ» klýbynyń shabýylshysy Kılıan Mbappe 2022 jyldyń qorytyndysy boıynsha Frantsııanyń úzdik sportshysy atandy, dep habarlaıdy QazAqparat tilshisi.

Shampionat.com saıtynan alynǵan málimetke qaraǵanda, Mbappe L’Equipe júrgizgen saýalnamaǵa sáıkes ozyq shyqty.

Frantsııa quramasynyń shabýylshysy K.Mbappe 832 ball jınady. «Real» klýbynyń shabýylshysy Karım Benzema ekinshi orynda (484 ball).

Alǵashqy ondyqqa myna sportshylar endi:

1. Kılıan Mbappe (fýtbol, 832 ball)

2. Karım Benzema (fýtbol, 484)

3. Kenten Fııon-Maıe (bıatlon, 403)

4. Antýan Dıýpon (regbı, 389)

5. Leon Marshan (júzý, 358)

6. Kevın Maıer (jeńil atletıka, 169)

7. Kleman Noel (taý shańǵysy, 126)

8. Gııom Sızeron (mánerlep syrǵanaý, 75)

9. Romen Kannon (fehtovanıe, 52)

10. Sharl Kodrele (jelken sporty, 50)

L’Équipe basylymynyń úzdik sportshyǵa syılyǵy Frantsııa úshin 1946 jyldan, búkil álem úshin 1975 jyldan belgilengen.

Reıtıng daýys berý qorytyndysy boıynsha anyqtalady. Ár basylym jýrnalısi úmitkerler tiziminen bes tańdaýly sportshyny tańdaıdy. Birinshi orynǵa – alty, ekinshige – tórt, úshinshige – úsh, tórtinshige – eki, besinshige bir upaıdan beriledi.

2012 jyldan beri Frantsııa men álemniń úzdik sportshysyna syılyq jeke-jeke beriledi.

Eske sala keteıik, budan buryn Messıdiń 2022 jyldyń qorytyndysy boıynsha chempıondardyń chempıony atanǵanyn jazǵan bolatynbyz.

FOTO: FRANCOIS NEL /GETTY IMAGES