Kıikterdiń múıizin shetelge satýdy josparlap otyrmyz – mınıstr

<p>Elimizde kıik múıizderin syrtqa satý jaǵy qarastyrylyp jatyr. Ruqsat alý 2025 jylǵa josparlanǵan, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

«Kıik múıizderi farmatsevtıkadaǵy dástúrli komponent ári Shyǵys elderindegi, negizinen Qytaıda dári-dármekterdiń quramdas bóligi sanalady. Búginde kıik múıizderin eksporttaýǵa múmkindigimiz joq. «SITES» sırek kezdesetin janýarlardy qorǵaý jónindegi halyqaralyq uıymy jekelegen janýarlardy qoldanýǵa (onyń ishinde kıik te bar) tyıym saldy», - dedi Ekologııa jáne tabıǵı resýrstar mınıstri Erlan Nysanbaev Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq mınıstr búginde Jenevada kıikterdiń múıizin paıdalanýǵa tyıym salýdy alyp tastaý týraly másele talqylanyp jatqanyn aıtty. 

«Ruqsat alý merzimi 2025 jyldyń basy. Búgingi tańda kıikterdiń sanyn retteýden alǵan barlyq múıiz tańbalanyp, «Ohotzooprom» mamandandyrylǵan kásipornynyń arnaıy úı-jaılarynda saqtalady. Qazir kıikterdiń múıizderin satpaımyz, biraq bolashaqta kıikterdiń múıizderin syrtqy naryqqa satýdy josparlap otyrmyz», - deıdi ol.