Kıik etin óńdeý: BQO ákimi qytaılyq ınvestorǵa jer berilmeıtinin aıtty

<p>Batys Qazaqstan oblysynyń ákimi Narıman Tóreǵalıev Ortalyq kommýnıkatsııalar qyzmetiniń alańynda ótken baspasóz máslıhatynda kıik etin jáne ózge de bólikterin óńdeýge qatysty saýalǵa jaýap berdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Tilshiler: «Mundaı óndiriske qytaılyq ınvestordy tartý úshin jer berile me?», – dep surady.

Aımaq basshysy kórshi elden ınvestor kelip, zaýyt salý usynysyn bildirgenin aıtty. Alaıda jer berý týraly sheshim bolmaǵanyn jetkizdi.

Bul tusta qytaılyq kompanııanyń usynysy eldi eleń etkizdi. Áleýmettik jelilerde ákimniń jaýaby tolyq berilmeı, burmalanǵan aqparat tarady. Narıman Tóreǵalıev osy aptada Jańaqala aýdanynyń jurtshylyǵymen kezdesýde bul máselege qatysty saýalǵa naqty jaýap berdi.

«Qytaılyqtarǵa bolsyn, kez kelgen sheteldikterge bolsyn, zań boıynsha jer jalǵa da berilmeıdi, satylmaıdy da», – dedi Narıman Tóreǵalıev.