Kıik eti qaıda satylady

<p>Aýyl sharýashylyǵy mınıstri Aıdarbek Saparov kıik etin satý máselesine oraı pikirin bildirdi, dep habarlaıdy Kazinform.</p>

«Jalpy, kıikpen Ekologııa mınıstrligi aınalysatyndyǵyn bilesizder. Taıaýda ǵana et kombınattary aınalysatyndyǵy týraly sheshim qabyldanǵan bolatyn. Ańshylyq sharýashylyǵy da aınalysady. Aýyl sharýashylyǵy mınıstrligi retinde bizdiń jumysymyz - veterınarlyq qaýipsizdikti qamtamasyz etý», - dedi mınıstr Úkimet otyrysynan keıingi baspasóz máslıhatynda.

Onyń atap ótýinshe, kıik eti jetkiziletin et kombınattary anyqtalǵan.

«Biz jeti et kombınatyn anyqtadyq. Ol jerde veterınarlar bar. Olar ónim sapasynyń tolyq saı keletindigin anyqtap, veterınarlyq qaýipsizdikke jaýap beredi. Al qaıda ótkizip, satatyndyǵymyzǵa baılanysty monıtorıng júrgizip jatyrmyz. Ony keıin qosymsha habarlaımyz», - dedi Aıdarbek Saparov.