Kıik dıhandardy 12 mlrd teńge shyǵynǵa batyrdy

<p>Kıik aýyl sharýashylyǵyna 12 mlrd teńge shyǵyn ákeldi. Bul týraly Ekologııa jáne tabıǵı resýrstar mınıstri Erlan Nysanbaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Búginde kıik sanynyń artýy aýyl sharýashylyǵyna zııanyn tıigizip jatyr. Qazirdiń ózinde aýyl sharýashylyǵy salasyndaǵy dıhanshylarǵa 12 mlrd teńge zalal kelip otyr. Ashyǵyn aıtaıyn, ejelden tabıǵatta kele jatqan kıik basyn retteý júıesi búginde jumys isteıdi. Burynnan kıik sanyn kim retteıtin? Ony retteıtin qasqyr, jut, aýrý bolatyn. Búginde biz jutty kútip otyrmaýymyz kerek. Kıik sany búgingideı kóp bolsa, onda jut bolady», - dedi mınıstr Ortalyq kommýnıkatsııalar qyzmetindegi baspasóz máslıhatynda.

Aıta keteıik, kıik sanynyń artýy aýylsharýashylyq janýarlarymen jaıylymdar men sýaratyn jerler úshin básekeni kúsheıtti, egis alqaptarynyń taptalýyna ákeldi. Sońǵy úsh jylda kıikter mekendeıtin óńirlerde, ásirese Batys Qazaqstan oblysynda áleýmettik shıelenis baıqalyp otyr.

Aýyl sharýashylyǵy mınıstrliginiń aqparaty boıynsha shamamen 121,9 myń gektarǵa jýyq egis, 247,7 myń gektar shabyndyq jáne 882,6 myń gektar jaıylym jerleri zardap shekti.