Kıik atýǵa moratorıı uzartylmaıdy – komıtet ókili

<p><span style="font-family: sans-serif; font-size: 18px;">Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti kıik atýǵa moratorıı merzimin 2024 jylǵa sozbaýdy uıǵaryp otyr. Bul týraly atalǵan komıtet tóraǵasynyń orynbasary Andreı Kım Ortalyq kommýnıkatsııalar qyzmetinde ótken brıfıngide aıtty, dep habarlaıdy </span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat.</a></p>

Kóktemde áýeden júrgizilgen sanaqtyń qorytyndysy boıynsha, Oral popýlıatsııasyndaǵy kıikterdiń sany 1 mln 130 myńǵa jetti. Jalpy Qazaqstandaǵy kıik sany 1 mln 915 myń bolady. Boljam boıynsha, jyl aıaǵyna deıin 2,6 mln basqa jetýi múmkin.

Kıiktiń sany kóp bolsa, aýyl sharýashylyǵy janýarlarlarynyń jaıylymy men sýatyna ortaqtasady, egisti zaqymdaıdy. Keıingi úsh jylda Batys Qazaqstan oblysynda osyǵan baılanysty áleýmettik jaǵdaı baıqalyp keledi, - dedi komıtet ókili.

Sondaı-aq ol bul máseleni halyqaralyq sarapshylar da zerttegenin atap ótti.

Buǵan deıin kıik sanyn qoldan retteýge moratorıı qoldanylyp keldi. Keler jyly sol moratorııdi sozýdyń qajeti joq dep esepteımiz. Kıik sany qalpyna keltirildi. Álemdegi kıiktiń 98% - Qazaqstanda. Bul týraly az aıtylady. Kerisinshe, kıikti qurtqaly jatyr degen áńgime kóp. Halyqaralyq sarapshylar kelip, Monǵolııa, Reseı, Qazaqstan aýmaǵynda ǵana qalǵan janýarlardyń kórsetkishi boıynsha bizdiń el asa joǵary nátıjege qol jetkizgenin kórdi. Bular mamonttarmen bir dáýirde ómir súrgen. Kezinde Eýropa men Azııaǵa túgel taraǵan. Qazir tek Qazaqstan aýmaǵynda shoǵyrlanyp otyr, - dedi Andreı Kım.