ORAL. QazAqparat – Batys Qazaqstan oblysynyń eki turǵyny kıik múıizderimen qolǵa tústi, dep habarlaıdy QazAqparat tilshisi.
«Ohotzooprom» ÓB» RMQK-dan málim etkenindeı, oqıǵa 25 jeltoqsan kúni Bókeı ordasy aýdany Saraljyn aýyldyq okrýginde boldy.
«Ohotzooprom» ÓB» RMQK ınspektorlary men quqyq qorǵaý organdarynyń birlesken reıdtik is-sharalary nátıjesinde Jánibek aýdany Jánibek aýylynyń 1986 jylǵy turǵyny ustaldy. Odan 24 dana kıik múıizi tabylyp, tárkilendi. Sol kúni atalmysh okrýg aýmaǵynan 47 jastaǵy er adam qolǵa tústi. Odan 34 dana kıik múıizi tárkilendi. Qazirgi kezde QR QK 339-baby 1-1-bóligine sáıkes eki qylmystyq is qozǵalyp, sotqa deıingi tergeý amaldary júrgizilýde. Kıik múıizin saqtaǵany úshin múlki tárkilenip, 12 jylǵa deıin bas bostandyǵynan aıyrý jazasy qarastyrylǵan», dep habarlady vedomstvodan.
Eske sala keteıik, budan buryn BQO-da ózende qatyp qalǵan 21 kıiktiń óleksesi tabylǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).