Kıik Qazaqstannan Ózbekstanǵa aýdy

NUR-SULTAN. QazAqparat - Qazaqstannyń bıologııalyq sanalýandyqty qorǵaý qaýymdastyǵy kıikterdiń Qazaqstannan Ózbekstan aýǵanyn málim etti, dep habarlaıdy QazAqparat tilshisi.

«Qazaqstannyń bıologııalyq sanalýandyqty qorǵaý qaýymdastyǵy men QR shekara qyzmeti Qazaqstan men Ózbekstan arasyndaǵy shekara bógetterindegi arnaıy ótkelder arqyly kıikterdiń ótkenin dáleldeıtin aıǵaqtardy tapty. 2012 jyldan bastap qaýymdastyq shekara qyzmetimen jáne Orman sharýashylyǵy jáne janýarlar álemi komıtetimen birlesip, Ústirt popýlıatsııasy kıikteriniń kóshi-qonyn jeńildetý úshin jumys júrgizip jatyr. 2015 jyly qaýymdastyq usynysy negizinde shekara qyzmeti árbir shaqyrym saıyn sym temirden jasalǵan bógetterdi jartylaı alyp tastady», - dep atap ótedi uıym Facebook paraqshasynda jarııalaǵan aqparatynda.

Qaýymdastyq málimetinshe, Ózbekstannyń aýmaǵyna kiretin Ústirtte sońǵy 5 jylda alǵash ret kıikter kózge túsken.

«Dál osy jańalyq Qazaqstannyń shekara qyzmetimen birge eki eldiń memlekettik shekarasyndaǵy shekaralyq beldeýdi aralap kórýge negiz boldy. Sóıtip bóget boıynda 7 núkteden kıikterdiń izin baıqadyq. QBAQQ bul baǵyttaǵy jumysty jalǵastyrady. Bıyl shekara qyzmetimen birge qosymsha sholǵyndaý josparlanyp otyr», - dep atap ótedi qaýymdastyqtan.