Kıik atý jumysy kimge júkteledi - komıtet jaýaby

NUR-SULTAN. QazAqparat – Bıyl Qazaqstandaǵy kıikterdiń jalpy sany 1 mln 300 myńǵa jetti. Bul aýyl sharýashylyǵy alqaptarynyń búlinýine ákep soqty, dep habarlaıdy QazAqparat tilshisi.

QR Ekologııa, geologııa jáne tabıǵı resýrstar mınıstrligi orman sharýashylyǵy jáne janýarlar dúnıesi komıtetiniń basqarma basshysy Qýat Shýmaqaevtyń aıtýynsha, Batys Qazaqstan, Aqmola jáne Qostanaı oblystarynyń fermerlerinen shaǵym túsken.

Onyń aıtýynsha, Zoologııa ınstıtýty kıikterdiń sanyn ári qaraı retteý boıynsha ǵylymı-bıologııalyq negizdeme daıyndady.

B ul másele boıynsha túpkilikti sheshim 7 shildede jarııalanady.

Qýat Shýmaqaev kıikterdi jappaı atýǵa jol berilmeıtinin aıtty.

«Tájirıbe kórsetkendeı, 1975 jyly jalǵyz ret áýesqoılyq atý júrgizilgen jáne ol kıik sanynyń kúrt tómendeýine jáne brakonerliktiń artýyna alyp keldi. Ǵylymı uıym at jumystaryn retteýdi syltaýratyp kıik aýlaýǵa nıet bildirgen barlyq ańshylarǵa emes, orman sharýashylyǵy komıtetine baǵynyshty mamandandyrylǵan uıymnyń júrgizýin usynady», - dedi ol.

Spıker keltirgen derekter boıynsha, bıologııalyq negizge sáıkes, aldyn ala atý paıyzy Oral popýlıatsııasy jalpy sanynyń 10% – 80 myń bas, betpaqdala popýlıatsııasynyń 2,5% nemese 9-10 myń kıikti kórsetip otyr.

Ol kıikterdi 2025 jylǵa deıin satýǵa tyıym salǵan konventsııa bar ekenin eske saldy. Ony Qazaqstan aýmaǵynan tys jerlerge shyǵarý máselesi turǵan joq.