Kıik atqan qostanaılyq 2,5 jylǵa sottaldy
15:30, 20 Mamyr 2021
QOSTANAI. QazAqparat – Qostanaı oblysynyń probatsııalyq esepte turǵan turǵyny kıik atqany úshin 2,5 jyl bas bostandyǵynan aıyryldy, dep habarlaıdy QazAqparat tilshisi.
Bul týraly Qostanaı oblysynyń qylmystyq-atqarý júıesi departamentiniń baspasóz qyzmeti málimet berdi.
Aıyby dáleldengen kúdikti 2,5 jyl merzimmen qosa 100 saǵat qoǵamdyq jumysqa jegiletin boldy.
«Probatsııalyq esepte turǵan azamat óz kinásin tolyq moıyndady. Qoǵamdyq jumysqa tartý jazasynyń qalaı oryndalǵanyna aýyl turǵyndary kýá boldy. Ol jol boıyna kóshet egýge atsalysty. Qaıyrymdylyq aktsııasyna aýyl ákimi men aqsaqaldary qatysyp, ondaǵan aǵash ekti», - dep jazady Qostanaı oblysynyń qylmystyq-atqarý júıesi departamentiniń baspasóz qyzmeti.