Kıevtegi narazylyq sharalarynan kelgen shyǵyn 2,5 mln. dollarǵa jetti

ASTANA. QazAqparat - Kıevtegi narazylyq sharalary barysynda kelgen shyǵyn 2,5 mln. dollarǵa jetip jyǵyldy. Bul týraly Ýtro.rý saıty Ýkraına astanasy meriniń birinshi orynbasary Anatolıı Golýbchenkoǵa silteme jasap habarlady.

Onyń atap ótýinshe, narazylyq sharalary barysynda Grýshevskıı kóshesindegi birqatar ǵımarattar órtenip, Ǵashyqtar kópiri, Marıın jáne qalalyq saıabaqtaryndaǵy aǵashtar otqa oranǵan.

Budan bólek, negizinen narazylyq aktsııalary ótken kóshelerdegi jol jabyndylary tolyǵymen joıylǵan. Olardy «Búrkit» bólimshesine qarsylyq tanytý barysynda sherýshiler búldirgen.

«Barynsha optımıstik boljamdarǵa sáıkes qalany qalpyna keltirýge birneshe apta ýaqyt kerek. Al aldaǵy ýaqytta qalanyń zalal shekken mádenı nysandaryn baǵalaý mindeti tur», - dedi A.Golýbchenko.