Kıevte temirjol stansasynda jolaýshylar perrony opyrylyp tústi

ASTANA. 2 sáýir. QazAqparat - Ýkraına astanasynyń Vyshgorodskaıa temirjol stansasynda 2 sáýir kúni kúndiz perron opyrylyp qulady, dep habarlaıdy RBK.

Bul týraly kýágerlerge silteme jasap «Besinshi arna» habarlaıdy.

Oqıǵa poıyz stansaǵa kelgen sátte boldy. Paıda bolǵan shuńqyrǵa platformada turǵan jolaýshylar da, sonymen qatar, vagonnan shyǵyp kele jatqan jolaýshylar da qulap ketti.

Mashınıst opyrylýdy baıqamaǵan, esikti jaýyp, poıyz ornynan ári qaraı jyljyp ketken. Túrli málimetter boıynsha, tótenshe oqıǵanyń saldarynan 20-dan 40-qa deıin adam zardap shekti. Baqytqa oraı, jolaýshylardyń eshqaısysy kúrdeli jaraqattarǵa nemese mertigýlerge ushyraǵan joq.

Jelige oqıǵanyń vıdeosyn ornalastyrǵan ınternet paıdalanýshysy ıÝrıı Argotıanık oqıǵany basqasha baıandaıdy. Onyń aıtýynsha, perron 20 adamnyń salmaǵy túsip, opyrylyp ketti, alaıda oqıǵany órshitýge platforma men vagon baspaldaqtary arasyndaǵy sańylaý arqyly sekirip attaǵan salmaǵy 120 keli bolatyn er adam sebepshi bolǵan.

TJM nemese quqyq qorǵaý organdarynyń tarapynan resmı málimdemeler bolǵan joq.