Kıevte AQSh elshiligi attashesiniń denesi tabyldy

<p>ASTANA. KAZINFORM &ndash; AQSh-tyń Ýkraınadaǵy elshiligi buǵan deıin Kıev Hılton qonaqúıinde denesi tabylǵan dıplomattyń qaıtys bolǵanyn resmı túrde rastady, dep habarlaıdy <a href="https://tass.ru/mezhdunarodnaya-panorama/21211965" target="_blank" rel="noopener">TASS </a>aqparat agenttigi.&nbsp;</p>

«Biz Kıevtegi elshilikte mıssııa basshysynyń basshylyǵymen jumys istegen AQSh úkimeti qyzmetkeriniń qaıtys bolǵanyn rastaımyz», - delingen elshiliktiń túsiniktemesinde.

Ózge málimet qupııalylyq maqsatynda berilmeıdi.

25 maýsymda Ýkraınanyń «Strana» basylymy quqyq qorǵaý organdaryndaǵy derekkózderine silteme jasap Kıevtegi Hilton qonaqúıinde jergilikti ýaqyt boıynsha saǵat 11:00 shamasynda Ýkraınadaǵy Amerıka elshiligi attashesiniń denesi tabylǵanyn habarlady. Bul rette dıplomat denesinen zorlyq-zombylyq belgileri baıqalmady, dep túsindirdi basylym.

Onyń málimetinshe, dıplomat Ýkraınaǵa 15 maýsymda kelgen. AQSh elshiligi bergen medıtsınalyq jazbalarǵa sáıkes, er adamnyń qanynyń quramynda holesterın kórsetkishi joǵary bolǵan.