Kıeli oryndardy aralaıtyn ekspedıtsııa saparyn Ulytaýdan bastaıdy

ASTANA. QazAqparat - 10 maýsym kúni Qazaqstannyń kıeli oryndaryn aralaıtyn Qazaq ulttyq geografııalyq qoǵamynyń «Kıeli Qazaqstan» ekspedıtsııasy alǵashqy saparyna attanady, dep habarlaıdy «QazAqparat» HAA tilshisi.

Bul týraly QazaqGeography qoǵamynyń zańgeri, QazaqGeography «Kıeli Qazaqstan» ekspedıtsııasynyń basqarýshysy Janat Aıthojın Ortalyq kommýnıkatsııalar qyzmetinde málim etti.

Onyń aıtýynsha, «Kıeli Qazaqstan» ekspedıtsııalar tsıklynyń 10 kúnge sozylatyn alǵashqy sapary Ulytaýdan bastalady. Astanadan avtokólikpen shyǵatyn saıahatshylar Ulytaýǵa, Ulytaýdan Aralǵa, Araldan Mańǵystaý óńirine bet alady.

«Qazaqstannyń kıeli oryndaryn zertteý - Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasyndaǵy mindetterdiń biri ekeni belgili. Osyǵan oraı, ekspedıtsııalar tsıklyn uıymdastyrýdy qolǵa aldyq. ıAǵnı, alǵashqy saparda Batysqa saparlap, ári qaraı tutas Qazaqstandy aralaımyz», - dedi «Kıeli Qazaqstan» ekspedıtsııasynyń basqarýshysy Janat Aıthojın.

Sonymen birge, J. Aıthojın kóptegen kıeli oryndardyń qaraýsyz qalǵanyn, ınfraqurylymnyń joqtyǵyn, ár nysannyń jaı-kúıin saralaý qajettigin basa aıtty.

«Kóptegen oryndardyń qaraýsyz qalǵany jasyryn emes. Keıbirine barar jol joq, ınfraqurylym jasalmaǵan. Bizdiń ekspedıtsııanyń taǵy bir mindeti - nysandardyń týrıstik áleýetin baǵalaý», - dep tolyqtyrdy ol.

Ekspedıtsııa quramyna tarıhshylar, ónertanýshylar, jýrnalıster jáne túsirilim toby engen. Sapar aıaqtalǵan soń ekspedıtsııa týraly ǵylymı-kópshilik fılm túsirý josparlanǵan.