Kıeli kitapqa LGBT zańdastyratyn túzetýler engizildi - FEIK

NUR-SULTAN. QazAqparat - Tanymal qazaqstandyq Telegram-chattarda Vatıkannyń úshinshi oqylymda Kıeli kitapqa bir jynystaǵy adamdardyń qarym-qatynasy men nekeni zańdastyratyn túzetýler qabyldaǵany týraly habarlama taraldy. Bul jalǵan, dep habarlaıdy stopfake.kz.

Bul satıralyq basylym, onda shynaıy jańalyqtar jarııalanbaıdy, bul týraly onlaın – portaldyń árbir paraqshasynda aıtylady.

Vatıkannyń Jelidegi resmı paraqshasynda Kıeli kitapqa engizilgen túzetýler týraly habarlamalar joq.

Demek, Kıeli kitapqa bir jynystaǵy adamdardyń nekesin kótermeleıtin ózgerister engizilgeni týraly habarlamalar ázil bolyp tabylady.

Buǵan deıin de qazaqstandyqtar «Panorama» AA-da jarııalanǵan habarlamalardy shynaıy jańalyqtar dep qabyldaǵan. Mysaly, Qaznette Gucci sán úıi Lenınniń denesine kostıýmder tigedi, al vaktsına saldyrǵan reseılikterdiń barlyǵy memlekettik qyzmetter portaly arqyly 5G chıpterin jańartýy kerek degen qaýesetter tarady.