Kids Go Free jobasy: Bıyl 1 myńnan astam bala ushaqpen tegin saıahattaǵan

ASTANA. QazAqparat – Aǵymdaǵy jyly «Kids Go Free» jobasy boıynsha 1 myńnan astam bala ushaqpen tegin saıahattady. Bul týraly Ortalyq kommýnıkatsııalar qyzmetinde ótken brıfıngte Mádenıet jáne sport vıtse-mınıstri Nurǵısa Dáýeshov aıtty, dep habarlaıdy QazAqparat tilshisi.

«Kids Go Free» jobasy bıyl tuńǵysh ret ótkizilip otyr. Bolashaqta bul suranysqa ıe bolady degen oıdamyz. Týrıstik ónimge engizilgen bılettiń qunyn sýbsıdııalaý sheńberinde respýblıka aýmaǵynda kámeletke tolmaǵan jolaýshylardy áýemen tasymaldaý kezinde búgingi tańda 1 myńnan astam bala qamtyldy. Bul bolashaqta óz jalǵasyn tabady», - dedi Nurǵısa Dáýeshov.

Eske salaıyq, bıyl elimizde «Kids Go Free» jobasy pılottyq rejımde iske qosyldy. Atalǵan baǵdarlama 2-17 jastaǵy balalar men jasóspirimderge el ishinde saıahat jasaǵanda tegin ushýǵa múmkindik beredi.

Sonymen qatar, atalǵan otbasylyq týrızmge arnalǵan baǵdarlama aıasynda osy jyly Aqtaý eń suranysqa ıe qala bolǵanyn jazyp edik.

Foto: media.cntraveler.com