Kıberqylmys sany da jıilep ketti - Qanat Nurmaǵambetov

NUR-SULTAN. QazAqparat – Kıberqylmystar sany da jıilep ketti. Bul týraly QR ІІM Krımınaldyq polıtsııa departamenti bastyǵynyń orynbasary Qanat Nurmaǵambetov málim etti, dep habarlaıdy QazAqparat tilshisi.

«Pandemııa kezinde álemde qabyldanǵan shekteýler qoǵamdaǵy máseleler men mindetterdiń kóbisin ınternet jelisi arqyly sheshýge úıretti. Degenmen kıberqylmystar sany da jıilep ketti, onyń ishinde ınternet-alaıaqtyq jaǵdaılary kóbeıdi. Ótken jyly mundaı 14 myń qylmys jasalsa, al bıyldyń qańtar aıynda 1 700-den asyp tústi», - dedi Q. Nurmaǵambetov onlaın rejımdegi brıfıngide.

Onyń sózine qaraǵanda, kóp jaǵdaıda alaıaq pen odan zardap shekken adamdar eldiń ártúrli óńirlerinde bolady. Qylmyskerler aqsha jymqyrý men jeke málimetterdi alýǵa, akkaýnttar men elektrondy shottarǵa qol jetkizýge baǵyttalǵan áreketterdi jasap keledi.

«Tájirıbe kórsetkendeı, bir alaıaqtyń sońynan zańsyz áreketterdiń tutas tizbegi jalǵasyp jatady. Qylmys jasaý úshin túrli bank shottary, kartalar, sondaı-aq basqa adamdarǵa rásimdelgen abonettik nómirler paıdalanylady», - dedi Krımınaldyq polıtsııa departamentiniń ókili.

Budan buryn habarlanǵandaı, qylmystardyń jalpy aýqymynda 10 paıyzdan astamy alaıaqtyqqa tıesili.