Kıberqaýiptiń órshýine baılanysty bankterdiń qaýipsizdigi kúsheıtiledi - agenttik
00:36, 21 Mamyr 2022
NUR-SULTAN. QazAqparat – Ekinshi deńgeıdegi bankterdiń aqparattyq qaýipsizdigin qamtamasyz etý boıynsha talaptar kúsheıtiledi. Bul týraly QR Qarjy naryǵyn retteý jáne damytý agenttiginiń tıist qaýlysynda aıtylǵan, dep habarlaıdy QazAqparat.
«Bank júıesiniń aqparattyq qaýipsizdigi el ekonomıkasynyń ornyqtylyǵyn qamtamasyz etetin júıe quraýshy faktor bolyp tabylady. Kıberqaýipterdiń órshýine baılanysty bank klıentteri, olardyń shottarynyń jaı-kúıi jáne túrli qarjylyq operatsııalardy júrgizý týraly konfıdentsıaldy aqparatty qamtıtyn júıelerdi qorǵaýdy kúsheıtý qajettiligi artyp keledi», - delingen agenttik habarlamasynda.
Atalǵan qaýlymen qabyldanǵan ózgerister ekinshi deńgeıdegi bankterge olardyń aqparattyq qaýipsizdikti qamtamasyz etý boıynsha qoıylatyn qoldanystaǵy talaptardy kúsheıtedi.