Kıberqaterlerge qarsy sharalarǵa 71 mlrd teńgeden astam qarjy bólinedi

ASTANA. QazAqparat  - Kıberqaterlerge qarsy is-qımyldar boıynsha is-sharalarǵa 71,3 mlrd teńge bólinedi. Bul týraly Májiliste «2018-2020 jyldarǵa arnalǵan respýblıkalyq bıýdjetti naqtylaý týraly» QR zańynyń jobasyn tanystyrǵan QR Qarjy mınıstri Baqyt Sultanov aıtty, dep habarlaıdy QazAqparat.

«Elbasy byltyrǵy jyldyń Joldaýynda negizgi maqsaty tsıfrlandyrý bolyp tabylatyn Úshinshi jańǵyrý týraly jarııalaǵan bolatyn. Tsıfrlyq tehnologııalardy qoldana otyryp jasalǵan jańa ındýstrııany damytý qajettiligin atap ótti. Bul rette, aqparattyq qoǵam damýynyń mańyzdy sharty kıberqaýipsizdik bolyp tabylady. Kıberqaterlerge qarsy is-qımyldar boıynsha is-sharalarǵa 71,3 mlrd teńge bólý usynylady», - dedi mınıstr.

Onyń aıtýynsha, atalǵan qarjy, elimizdiń tsıfrlyq aqparattyq keńistiginiń memlekettik jáne jeke nysandaryna kıber qastandyqtar men aqparattyq shabýyldardy tabý, jolyn kesý tehnıkalyq tekserýler júrgizý júıelerin damytýǵa baǵyttalady.

Foto: patentattorneys.ch