Kıberbýllıng pen sýıtsıdtiń aldyn alý jumystaryn bastadyq – Bilim mınıstri

NUR-SULTAN. QazAqparat – QR Bilim jáne ǵylym mınıstrligi kıberbýllıng pen sýıtsıdtiń aldyn alý jumystaryn bastady. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Bala quqyqtaryn qorǵaý qashanda Memleket basshysynyń basty nazarynda. Buǵan deıingi Joldaýda da úlken mańyzdy máseleler kóterip, sheshimin tapqan bolatyn. Qazir de Prezıdent erekshe kóńil bólip otyr. Sonyń ishinde Bala quqyqtary týraly konventsııanyń 3-shi fakýltatıvti hattamasyna qosylý óte mańyzdy jáne kıberbýllıng pen sýıtsıdtiń aldyn alý boıynsha tıisti jumysty bastap jatyrmyz»,- dedi mınıstr Úkimet úıinde ótken baspasóz máslıhatynda.

Onyń atap ótýinshe, balalardy qosymsha bilimmen qamtý da memleket úshin óte mańyzdy bolyp otyr. Bul jumystar memlekettik tapsyrys berýmen memlekettik-jekeshelik áriptestik arqyly júzege asyrylady.

«Oqýshylardy buqaralyq sportpen qamtý da óte mańyzdy. Sport zal salý, lıgalar, ulttyq sport túrlerin damytý jumystaryn júrgizemiz», - dedi Ashat Aımaǵambetov.