«Kıber sherıf» bir mezette birneshe bazamen derek almasýǵa múmkindik beredi - Mańǵystaý polıtsııasy

AQTAÝ. QazAqparat – Jol qaýipsizdigin qamtamasyz etý maqsatynda Mańǵystaý oblysynda «Kıber sherıf» keshendi júıesi iske qosyldy. Bul týraly polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«Jańa qurylǵynyń múmkindigi joǵary: úsh qatar jolaqqa baqylaý jasap, avtokólikterdi 150 metr qashyqtyqtan derlik tirkeı alady. Qazirgi ýaqytta bul qurylǵylar iske qosyldy. Qurylǵy jol júrý erejelerin buzatyn júrgizýshilerdi memlekettik tirkeý belgilerin tanı otyryp, ınspektordy odan ári habardar etedi. Sondaı-aq, izdestirý bazalary boıynsha obektilerdi avtomatty túrde tekseredi, olardy tirkeıdi jáne beınege jazady», - delingen baspasóz málimetinde.

Adam faktoryn alyp tastaý – qurylǵynyń tıimdiligi bolyp otyr. Tolyq avtomattandyrý barlyq derekterdi serverge jyldam saqtaýǵa, óńdeýge jáne jiberýge, birneshe izdeý bazalarymen jumys isteýge múmkindik beredi.

«Kıber sherıf» arqyly izdeýde júrgen kólik quralyn lezde anyqtaýǵa bolady, al búıirlik kameralary jaıaý júrginshilerdi sot pen tergeý organdarynan jasyrynyp júrgen adamdar bazasymen avtomatty túrde salystyra otyryp, olardy birden tanıdy.

«Sońǵy kezdegi jol-kólik oqıǵalarynyń sebebi – jyldamdyqty arttyrý. Sondyqtan, qurylǵy júrgizýshilerdiń jaýapkershilik deńgeılerin joǵarylatý úshin qoldanylady», - dep qosady departamentten.