QHR Tóraǵasy: Qazaqstan saparyna úlken úmit artamyn
QHR Tóraǵasynyń maqalasy búgin «Kazahstanskaıa pravda» gazetinde jarııalandy.
«Osy altyn kúzde men tatý kórshimiz Qazaqstanǵa Prezıdent Qasym-Jomart Kemeluly Toqaevtyń shaqyrýymen memlekettik saparmen baramyn. Bes jyldan keıin taǵy da, tórtinshi ret, sheksiz dalasymen, keremet taýlarymen jáne ózenderimen, óte qonaqjaı halqymen tanymal bolǵan elge kelemin. Men aldaǵy saparǵa úlken úmit artamyn», - dep jazdy Sı Tszınpın.
QHR Tóraǵasy atap ótkendeı, Qytaı men Qazaqstan – ortaq taýlarmen jáne ózendermen baılanysqan tatý kórshiler, adal dostar jáne senimdi seriktester.
«Bıyl Qytaı men Qazaqstan arasyndaǵy dıplomatııalyq qarym-qatynastardyń ornaǵanyna 30 jyl tolady. Bizdiń elderimiz úlken joldy eńserdi, ózara qoldaý men kómek qaǵıdatynan eshqashan aýytqymady. Qytaı men Qazaqstan almasý men yntymaqtastyqty qarqyndy damyta otyryp, tatý kórshilik qarym-qatynastardy damytý men qatar ómir súrýdiń laıyqty úlgisin kórsetti», - dep esepteıdi ol.
Sonymen birge QHR Tóraǵasynyń pikirinshe, arada ótken 30 jyl Qytaı men Qazaqstan qatynastarynyń serpindi damý kezeńi boldy.
«Tatý kórshilik pen dostyqtan strategııalyq áriptestikke, máńgilik jan-jaqty strategııalyq áriptestikke deıin bizdiń ekijaqty qarym-qatynastarymyz tarıhı serpilis jasaýda jáne sapaly jańa, biregeı konnotatsııalarǵa ıe bolýda – bul ózara qurmetke, tatý kórshilikke jáne dostyqqa, ózara kómek pen jeńisterge negizdelgen jańa tıptegi memleketaralyq qatynastar. Bizdiń elderimiz memlekettik egemendikke, qaýipsizdikke jáne aýmaqtyq tutastyqqa qatysty negizgi máseleler boıynsha únemi ózara qoldaý kórsetedi, ulttyq bolmysqa sáıkes derbes tańdalǵan bir-biriniń damý jolyn qurmetteıdi, ekinshi taraptyń memlekettik damýdaǵy jáne ulttyq qaıta jańǵyrýdaǵy jańa jetistikterin qoldaıdy. Qytaı men Qazaqstan – senimdi dostar jáne seriktester, bizdiń halyqtarymyz árqashan bir-biriniń qasynda bolady», - dep atap ótti QHR Tóraǵasy Sı Tszınpın.
Foto: www.wykop.pl