QHR SІM jańa basshysy bolyp AQSh-taǵy Qytaı elshisi taǵaıyndaldy

BEIJІŃ. QazAqparat – QHR syrtqy ister mınıstri qyzmetine AQSh-taǵy Qytaı elshisi Tsın Gan taǵaıyndaldy. Bul týraly Ortalyq Qytaı telearnasynyń (CCTV) habarlamasynda aıtylǵan, dep habarlaıdy QazAqparat menshikti tilshisi.

CCTV habarlaýynsha, bul sheshim týraly juma kún Búkilqytaı halyq ókilderi jınalysynyń (BHÓJ) turaqty komıteti otyrysynda málim etildi. 2021 jyly Tsın Gan AQSh-taǵy QHR elshisi bolǵan edi.
Tsın Gan 1966 jyly Tıantszın qalasynda týǵan. 20-shy shaqyrylǵan Qytaı kommýnıstik partııasy ortalyq komıtetiniń múshesi.
Buǵan deıingi QHR syrtqy ister mınıstri Van I qyzmetinen ketedi. Ol 2013 jyldan beri Qytaı syrtqy saıası vedomstvosynyń basshysy bolǵan edi.
QHR SІM jańa basshysynan bólek, jańa Qytaı eńbek resýrstary jáne áleýmettik qamtamasyz etý mınıstri bolyp Van Sıaopın taǵaıyndaldy.
BHÓJ TK búgingi otyrysy barysynda 14-shi shaqyrylymdaǵy Búkilqytaı halyq ókilderi jınalysynyń birinshi sessııasy 2023 jylǵy 5 naýryzda ashylady degen sheshim qabyldandy.«Sınhýa» agenttiginiń habarlaýynsha, aldaǵy sessııada Qytaıdyń negizgi laýazymdary men memlekettik laýazymdaryna birqatar ózgerister engizý josparlanyp jatyr. QHR Memlekettik keńesiniń jańa premeri saılanady.

Foto: Liu Jie / XinHua / Global Look Press