QHR Bas keden basqarmasy men «Astana-1» aqparattyq júıeleri yqpaldastyrylmaq

ASTANA. QazAqparat - QHR Bas keden basqarmasynyń aqparattyq júıesi men «Astana-1» aqparattyq júıesi yqpaldastyrylmaq. Bul týraly búgin Úkimet otyrysynda QR Qarjy mınıstri Álıhan Smaıylov málim etti, dep habarlaıdy QazAqparat tilshisi.

«Qazaqstan Respýblıkasy men Qytaı Halyq Respýblıkasy arasyndaǵy kedendik statıstıkanyń alshaqtyǵyn tómendetý maqsatynda QR Qarjy mınıstrligi men QHR Bas keden basqarmasy arasyndaǵy qoldanystaǵy kelisimge almasatyn aqparat quramyn keńeıtý bóliginde ózgerister engiziletin bolady. Tıisti ýaǵdalastyqqa qol jetkizildi. Sondaı-aq, qytaı tarapymen «Aqyldy qulyp» pılottyq jobasyn iske asyrý týraly sheshim kelissóz júrgizilýde.

Osy maqsatta Qytaı Bas keden basqarmasynyń aqparattyq júıesimen «Astana-1» aqparattyq júıesin ıntegratsııalaý josparlanýda», - dedi mınıstr.

Onyń aıtýynsha, bul ımporttaýshylardyń taýarlardy deklaratsııalaýynyń durystyǵyn qamtamasyz etedi. Eń bastysy búgingi kúni kedendik shekarada bar sybaılas jemqorlyq kórinisterin aıtarlyqtaı tómendetedi.

«Sondaı-aq, Kedendik baqylaý aıasynda tekserý is-sharalary kúsheıtildi. Syrtqy ekonomıkalyq qyzmettiń «táýekeldik» qatysýshylaryna qatysty táýekelderdiń tıisti beıinderi jáne taǵy basqalary ázirlenedi», - dedi Á.Smaıylov.