QHP tóraǵasy Aıqyn Qońyrov ekzıt-pol nátıjesine kóńili tolatynyn jetkizdi

NUR-SULTAN. QazAqparat - QHP Tóraǵasy Aıqyn Qońyrov saılaýshylaryn quttyqtady, dep habarlaıdy QazAqparat «Habar 24» telearnasyna silteme jasap.

Ekzıt-pol nátıjesi boıynsha saılaýda 9,03 paıyz daýys jınaǵan Qazaqstan halyq partııasynyń tóraǵasy Aıqyn Qońyrov áriptesterin quttyqtady. Ol aldyn ala jarııalanǵan nátıjege kóńili tolatynyn bildirip, saılaýda jetkilikti daýys jınaǵan jáne qatysqan ózge partııalarǵa sáttilik tiledi.

«Saılaýaldy naýqan kezinde depýtattyqqa úmitkerler úshin teń jaǵdaı qarastyryldy. Eshqandaı qıynshylyq pen kedergi bolǵan joq. Ekzıt-pol nátıjesi bizdiń múmkindigimizdiń mol ekenin kórsetedi. Saılaýaldy jumystarǵa qatysqan áriptesterime jáne saılaýshylarǵa rızashylyǵymdy bildiremin», - dedi Qazaqstan halyq partııasynyń tóraǵasy Aıqyn Qońyrov.