ASTANA. KAZINFORM — Qurlyqtyq hokkeı lıgasynyń (QHL) turaqty chempıonatynda astanalyq «Barys» búgin óz aıdynynda «Sıbır» (Novosibir) komandasyn qabyldaıdy.
«Barys» — «Sıbır» matchy Qazaqstan ýaqytymen saǵat 19.20-da bastalyp, «Qazsport» telearnasynan tikeleı efırde kórsetiledi.
Birinshilikte 60 matchtan keıin 61 upaı jınaǵan «Sıbır» Shyǵys konferentsııasynda 8-orynda tur. Al 61 oıynnan keıin nebári 31 upaıy bar astanalyqtar kósh sońynda keledi.
Sońǵy básekede «Barys» Chelıabide kósh basyndaǵy «Traktordan» 0:8 esebimen oısyraı utyldy.
Ǵalym Mámbetálıevtiń shákirtteri sońǵy 11 oıynda bir ǵana ret jeńiske jetti.
«Sıbır» buǵan deıin óz aıdynynda «Ak Barsqa» (Qazan) 3:6 esebimen jol berdi. Novosibirlikter de sońǵy kezde sátsiz óner kórsetip, jeti matchtyń bireýinde ǵana qarsylas komandany utty.
Eske sala keteıik, budan buryn «Barystyń» «Metallýrg» komandasyna ese jibergenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).