ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn elordada Reseıdiń «Dınamo» (Máskeý) komandasyna qarsy ótkizedi.
Kezdesý búgin, 24 qyrkúıekte saǵat 19:00-de bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 35 márte kezdesken. Onyń 13-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.
Keıingi bes oıynnyń tórteýinde qazaqstandyq klýb atalǵan qarsylasyna ese jibergen.
Aıta ketsek, budan buryn jeti kezdesýdiń altaýynda qarsylastaryna ese jiberip qoıdy.
Endi qazaqstandyq komanda budan keıingi úsh oıynyn elordada ótkizedi.
Aldymen 26 qyrkúıekte Reseıdiń «Sochı» klýbymen oınasa, odan keıin 28 qyrkúıekte «Vıtıaz» (Podolsk), 30 qyrkúıekte «Torpedo» (Nıjnıı Novgorod) komandalarymen kezdesedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.