QHL: «Barys» syrt aıdynda «Sıbırdi» jeńe ala ma

<p>ASTANA. KAZINFORM &mdash; Qurlyqtyq hokkeı lıgasy (QHL) turaqty chempıonatynyń kezekti týrynda astanalyq &laquo;Barys&raquo; Novosibirde jergilikti &laquo;Sıbır&raquo; komandasymen kezdesedi.</p>

Match Qazaqstan ýaqytymen saǵat 17.30-da bastalyp, «Qazsport» telearnasy tikeleı efırde kórsetedi.

Qazirgi kezde «Barys» 21 upaımen Shyǵys konferentsııasynda 11-orynda tursa, novosibirlikter (25 upaı) 9-satyda keledi. Biraq olar eki oıyndy kem ótkizgen.

Sońǵy básekede «Barys» óz aıdynynda overtaımda ombylyq «Avangardqa» (2:3) ese jiberse, «Sıbır» syrt aıdynda magnıtogorskilik «Metallýrgtan» (1:3) utylyp qaldy.

Sońǵy jeti matchtyń altaýynda «Sıbır» jeńilis tapsa, «Barys» úsh ret qarsylastarynan basym túsip, tórteýinde jol bergen.

Bıyl elordalyqtar «Sıbırdi» syrt aıdynda 3:1 esebimen utqan edi. 

Eske sala keteıik, budan buryn «Barystyń» jeńip jatyp, jeńilip qalǵanyn jazǵan bolatynbyz.