21:32, 30 Jeltoqsan 2025

QHL: «Barys» Reseıde «Avangardtan» basym tústi

ASTANA. KAZINFORM - Qazaqstandyq «Barys» komandasy búgin, ıaǵnı 30 jeltoqsanda Qurlyqtyq hokkeı lıgasyndaǵy kezekti oıynyn elordada Reseıdiń «Avangard» (Omby) komandasyna qarsy ótkizdi.

Foto: «Barys» hokkeı klýby

Kezdesý barysynda birinshi kezeńde qazaqstandyq komanda qarsylastar qaqpasyn bir márte dál kózdedi. Ekinshi kezeńde reseılik klýb bir shaıba, «Barys» eki shaıba soǵyp ketti. Sheshýshi kezeńde komandalar bir-bir shaıbadan almasty.

Avangard (Omby) - Barys (Astana) 2:4 (0:1, 1:2, 1:1)

0:1 - Logvın (Morellı, Ýolsh) - 12:34
0:2 - Asetov - 22:55
1:2 - Ponomarev (Okýlov) - 26:27
1:3 - Panıýkov (Asetov, Shaıhmeddenov) - 35:25
2:3 - Ibragımov (Rashevskıı, Okýlov) - 51:38
2:4 - Morellı (Vekkone, Boıarkın) - 59:37

Qaqpashylar: Serebrıakov - Boıarkın

Qazaqstandyq klýb budan keıin tórt oıynyn syrt aıdynda ótkizedi. Aldymen 2026 jyldyń 6 qańtarynda 27 jeltoqsanda Reseıde «Torpedo» (Nıjnıı Novgorod) komandasymen kezdesse, odan keıin 8 qańtarda «Ak Bars» (Qazan), 10 qańtarda «Salavat ıÝlaev» (Ýfa), 12 qańtarda «Avtomobılıst» (Ekaterınbýrg) komandalarymen sheberlik baıqasady.

Aıta ketsek, budan buryn «Barys» QHL-de qatarynan tórtinshi ret jeńildi.

Barys HK Sport Hokkeı

Ádiljan Úmbet

1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi. 2015-2020 jyldarda «Aqmeshit aptalyǵy» gazetiniń bas redaktory boldy. Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti. 2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.