ASTANA. KAZINFORM - Qazaqstandyq «Barys» komandasy búgin, ıaǵnı 5 qazanda Qurlyqtyq hokkeı lıgasyndaǵy kezekti oıynyn elordada Reseıde «Sıbır» (Novosibir) komandasyna qarsy ótkizedi.
Kezdesý Qazaqstan ýaqytymen 15:30-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 66 márte kezdesken. Onyń 26-y elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.
Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.
Bıyl «Barys» on kezdesýdiń tórteýinde basym túsip, qalǵanynda jeńilistiń aşy dámin tatty.
Al «Sıbır» on kezdesýdiń tórteýinde qarsylasyn qapy qaldyrdy.
Týrnır kestesinde «Barys» 11 upaımen 15 orynǵa jaıǵassa, «Sıbır» 8 upaımen 20 orynda keledi.
Elordalyq klýb taǵy eki oıynyn syrt aıdynda ótkizip, Reseıde 7 qazanda «Ak Bars» (Qazan), 9 qazanda «Traktor» (Chelıabi) komandalaryna qarsy oınaıdy.
Eske salsaq, budan buryn «Barys» elordada «Lokomotıvten» jeńilip qaldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.