QHL: «Barys» búgin «Amýr» komandasymen kezdesedi
10:55, 09 Qyrkúıek 2024
<p>ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn elordada Reseıdiń «Amýr» (Habarovsk) komandasyna qarsy ótkizedi.</p>
Kezdesý búgin, 9 qyrkúıekte saǵat 19:00-de bastalady. Eki komanda buǵan deıin 55 márte kezdesken. Onyń 31-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken. Keıingi eki oıynda qazaqstandyq klýbtyń mereıi ústem boldy.
Aıta ketsek, budan buryn «Barys» elordada Reseıdiń «Neftehımık» (Nıjnekamsk) jáne «Traktor» (Chelıabınsk) komandalaryna ese jiberdi.
Endi 13 qyrkúıekte elordada Belarýstiń «Dınamo» (Mınsk) komandasymen sheberlik baıqasady.
Eske salsaq, budan buryn «Barys» sapyna amerıkalyq shabýylshy qosyldy.